ಮರವಂತೆ ದಾಸದ್ವಯರು ದಾಸ ಶೈಲಿಯ ಎರಡು ಕಣ್ಣುಗಳು : ಪ್ರೊ. ಎಸ್. ವಿ.
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಸೋಮವಾರ, ಜೂನ್ 27 , 2016
|
|
ಜೂನ್ 27 , 2016
|
ಮರವಂತೆ ದಾಸದ್ವಯರು ದಾಸ ಶೈಲಿಯ ಎರಡು ಕಣ್ಣುಗಳು : ಪ್ರೊ. ಎಸ್. ವಿ.
ಮರವಂತೆ :
ರಾಜ್ಯ ಪ್ರಶಸ್ತಿ ಪುರಸ್ಕ್ರತ ಮರವಂತೆ ದಿ. ನರಸಿಂಹ ದಾಸರು ಮತ್ತು ಶ್ರೀನಿವಾಸ ದಾಸರು ಕಡು ಬಡತನದಲ್ಲಿ ಬೆಳೆದು ದಾಸರ ಪದ್ಯ ಮತ್ತು ಗಮಕ ಹಾಡುವುದರ ಮೂಲಕ ಬಾಗವತರಾಗಿ ಪ್ರಸಿದ್ದರಾದವರು. ಯಕ್ಷಗಾನದಲ್ಲಿ ದಾಸರ ಶೈಲಿ ಎಂಬ ಬಾಗವತಿಕೆಯ ಹೊಸ ಶೈಲಿಯನ್ನು ಹುಟ್ಟು ಹಾಕಿದ ಈ ಸಹೋದರರು ಯಕ್ಷಗಾನ ಬಾಗವತಿಕೆಯ ಎರಡು ಕಣ್ಣುಗಳು. ಅನೇಕ ಶೈಲಿಗಳನ್ನು ಅನುಕರಿಸುವ, ಅನುಸರಿಸುವ ಇಂದಿನ ಯುವ ಬಾಗವತರಲ್ಲಿ ದಾಸರ ಶೈಲಿ ಕಾಣದಿರುವುದು ಯಕ್ಷಗಾನದ ದೌರ್ಬಾಗ್ಯ ಎಂದು ಮಣಿಪಾಲ ಎಂ. ಐ. ಟಿ. ಕಾಲೇಜಿನ ಉಪನ್ಯಾಸಕ ಪ್ರೊ. ಎಸ್. ವಿ. ಉದಯಕುಮಾರ ಶೆಟ್ಟಿಯವರು ಹೇಳಿದರು.
ಅವರು ಮರವಂತೆಯ ಶ್ರೀ ದಾಸ ಯಕ್ಷಗಾನ ಚಾರಿಟೇಬಲ್ ಟ್ರಷ್ಟ್ ವತಿಯಿಂದ ನೆಡೆದ ಖ್ಯಾತ ಬಾಗವತ ದ್ವಯರಾದ ಮರವಂತೆ ನರಸಿಂಹ ದಾಸ ಮತ್ತು ಶ್ರೀನಿವಾಸ ದಾಸರ ಸಂಸ್ಮರಣಾ ದಿನದಂದು ಪ್ರದಾನ ಸಂಸ್ಮರಣಾ ಬಾಷಣ ಮಾಡಿದರು. ಲಯ ಬ್ರಹ್ಮನೆನಿಸಿದ ದಾಸರ ಸ್ಮರಣೆ ಪ್ರತೀ ವರ್ಷ ನೆಡಿಸಿಕೊಂಡು ಬರುತ್ತಿರುವ ಟ್ರಷ್ಟ್ ನ ಕಾರ್ಯ ವೈಕರಿಯ ಬಗ್ಗೆ ಅವರು ಮೆಚ್ಚುಗೆ ವ್ಯಕ್ತ ಪಡಿಸಿದರು. ಹಿರಿಯ ಬಾಗವತ ಮಾರ್ವಿ ನಿತ್ಯಾನಂದ ಹೆಬ್ಬಾರ್ ಅವರಿಗೆ ದಾಸರ ಸ್ಮರಣಾರ್ಥ ಕಲಾ ಗೌರವ ನೀಡಲಾಯಿತು. ಟ್ರಷ್ಟ್ ನ ಅದ್ಯಕ್ಷ ಮಂಜುನಾಥ ದಾಸ ಅದ್ಯಕ್ಷತೆ ವಹಿಸಿದ್ದರು.
ಮುಖ್ಯ ಅತಿಥಿಗಳಾಗಿ ಶಿಕ್ಷಕ ಸುಜಿಯೀಂದ್ರ ಹಂದೆ, ಪತ್ರಕರ್ತ ಜನಾರ್ದನ ಮರವಂತೆ, ಉದ್ಯಮಿ ರಾಜು ಭಟ್ ಉಪ್ಪುಂದ, ಬಾಬು ಹೆಗ್ಡೆ, ಮರವಂತೆ ಗ್ರಾಮ ಪಂಚಾಯತ್ ಅದ್ಯಕ್ಷೆ ಅನಿತಾಪೂಜಾರಿ ಉಪಸ್ಥಿತರಿದ್ದರು. ವಿವಿದ ಸ್ಪರ್ದೆಗಳಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಲಾಯಿತು. ಕಾರ್ಯದರ್ಶಿ ಶುಭಾ ಮರವಂತೆ ಸ್ವಾಗತಿಸಿ ಕಾರ್ಯಕ್ರಮ ನಿರ್ವಹಿಸಿದರು. ದೇವರಾಜ ದಾಸ್ ವಂದಿಸಿದರು. ಬಳಿಕ ಸ್ಥಳೀಯ ಕಲಾವಿದರಿಂದ ಜಾಂಬವತಿ ಕಲ್ಯಾಣ ಯಕ್ಷಗಾನ ನೆರವೇರಿತು.
|
|
|
